தாத்தா

 மிகவும் கண்டிப்பான அப்பாக்கள் எங்கேயுமே கண்டிப்பான தாத்தாக்களாக இருப்பதில்லை... ஒரு வேளை கண்டிப்பால் சாதிக்க முடியாது என்பதை தன் அனுபவத்தால் உணர்ந்தவர்தான் தாத்தா போல ... 

Swimathon

 என் முதல் தொலைநீச்சல் (Swimathon).26.8.2018 நடைபெற்ற சும்மத்தான் போட்டியில் நானும் அலுவலக நண்பர் வேல்முருகனும் போட்டியில் பங்கு பெற்று 1.5 கிலோ மீட்டரை நீச்சல் அடித்தே மிகக் குறைந்த நேரத்தில் எனது அலுவலக நண்பர் வேல்முருகன் 38 நிமிடத்திலும்(freestyle), நான் 42 நிமிடத்திலும்(breaststroke) கடந்து மெடல் வாங்கிய தருணம்.சிறப்பான ஏற்பாடுகளைச் செய்திருந்த சென்னை ஸ்டார் ஸ்விம்மர்ஸ் குழுவினருக்கு நன்றி. அருமையான மெடலுக்கும், சான்றிதழுக்கும் பாராட்டுக்கள்.

ஹமாரா பஜாஜ்

நம்முளுடைய சிறு வயதில் ஹமாரா பஜாஜ் இந்த வாசகத்தக் DD ல கேட்காத ஆளே இருக்க முடியாதுன்ன நினைக்கிறேன்.அப்ப நம்ம ஊருல வங்கி மானேஜர், ஒரு சில பணக்காரங்க மட்டும் தான் இந்த வண்டிய வச்சிருக்காங்க.பஜாஜ் செடாக்.ஒரு காலத்தில் 50 சதவீத மார்க்கெட் ஷேர் உடன், இந்திய ஸ்கூட்டர் செக்மெண்டில் கோலோச்சி கொண்டிருந்த நிறுவனம் பஜாஜ். இதற்கு சேதக் ஸ்கூட்டரும் ஒரு காரணம் என்றால் மிகையல்ல. மிகவும் மலிவான விலையில் கிடைத்த தரமான ஸ்கூட்டர் என்பதால், நாடு முழுவதும் வெகு விரைவிலேயே சேதக் பிரபலமானது. பொதுமக்கள் இதனை ஹமாரா பஜாஜ் (நம்ம பஜாஜ்) என அன்போடு அழைத்தனர்.ஏறத்தாழ 34 ஆண்டுகளாக உற்பத்தியில் இருந்து வந்தது. கடைசியாக 2006ம் ஆண்டில்தான் சேதக் ஸ்கூட்டரின் உற்பத்தியை பஜாஜ் நிறுவனம் நிறுத்தியது.

ஆண்டாள் ஆடிப்பூர தேரோட்டம்

 பாலிய பருவத்தில் இருந்து கல்லூரி முடிக்கும் வரை நம்ம ஊர் ஆண்டாள் ஆடிப்பூர தேரோட்டத்திற்கு நண்பர்களுடன் செல்லும் வழக்கம். சும்மா வடம் பிடித்து நண்பர்களுடன் சேர்ந்து இழுத்து நம்மால் தான் இந்த தேர் நகர்கிறது என்ற கர்வம். விருதுநகர் மாவட்டத்திற்கே அன்று ஒரு நாள் விடுமுறை.கூட்டம் சும்மா பிச்சு உதறும். அந்த அழகிய நாட்கள் நம்மைப் போன்ற நண்பர்களுக்கு ஒரு வரப் பிரசாதம் என்று சொன்னால் மிகையாகாது. கால ஓட்டத்தில் கடந்த பத்து வருடம் மேலாக அந்த அரிய வாய்ப்பை தவற விட்டுட்டேன்.

செருப்பு

 என்ன தான் இப்போ இருக்கின்ற பேட்டா , அடிடாஸ், நைக், பூமா எல்லாம் சும்மா... இது கிட்ட நெருங்க முடியாது ... சும்மா அப்படி நீடித்து உழைக்கும் .அதிலும் அறுந்தாலும் ஊக்கு இல்லைனா பின்னு போட்டு ஒட்டுவோம். லேசா மழை பெய்தால் போதும் சகதி தண்ணீயில் நடந்தால் பின்புறம் கால் முதல் முதுகு வரை சேற்றை வாரி அடிச்சு விடும்.. அந்த Paragon 20 ரூபாய் அப்போ ... அதே வாரம் ஒருமுறை ஜீல் ஜீல் சோப்பு போட்டு கழுவி காய வைச்சதெல்லாம் ஒரு காலம் ... உண்மையில் இன்று நினைக்கையில் அணிந்து சென்ற செருப்பு கூட ஒரு சுகமான அனுபவம் ... இதை எல்லாம் நினைச்சாலே எவ்வளவு கஷ்டத்துல இருந்தாலும் லைட்டா சிரிப்பு வருது ... அப்ப நண்பர்களே உங்களுக்கு ?

அதலைக்காய்

 இதன் பெயர் அதலைக்காய். இதனைப் பொரியல் செய்தால் சுவை அருமையாக இருக்கும். இந்தக் காய் செடியில் இருந்து பறித்த சில மணி நேரத்தில் சமையல் செய்தாக வேண்டும் இல்லைனா வெடித்து விடும். இந்தக் காரணத்துனாலதான் நம்ம விருதுநகர் மாவட்டத்தைத் தாண்டி சமையலுக்கு செல்ல முடியாத நிலை. இதுவும் பாகற்காய்க்கு இணையா மருத்துவ குணம் கொண்டது. கசப்புப் தன்மை கொஞ்சம் இருந்தாலும் ருசி சும்மா சிறப்பா இருக்கும்

வரைதல் போட்டி

 எனது மகள் கந்தன்சாவடியில் உள்ள Kayo international PreSchool லில் அனைத்து தரப்பு மாணவ , மாணவியர்களுக்காக நடத்திய Drawing போட்டியில் கலந்து கொண்டு இரண்டாவது பரிசைப் பெற்றுள்ளார். இனிவரும் காலத்திலும் எனது மகள் எல்லாவற்றிலும் வெற்றி பெற வாழ்த்துகிறேன்.

கதை சொல்லும் போட்டி

எனது மகள் படிக்கும் பள்ளியில் சாங்ஃபோர்டு தமிழ் செம்மொழி மன்றம் சார்பாக கதை சொல்லும் போட்டி நடைபெற்றது. அதில் எனது மகள் முதலாம் வகுப்பிற்கான கதை சொல்லும் போட்டியில் முதல் பரிசுப் பெற்ற பாராட்டு சான்றிதழ். எனது மகளை விட நாங்கள் மகிழ்ச்சியில் திகைத்த தருணம். ஒவ்வொரு நாளும் என் குழந்தை தூங்குவதற்கு முன்பு நான் சொன்ன வித விதமான கதை வீண் போகவில்லை. வாழ்த்துக்கள் அன்பு மகளே.

என்.எஸ்.எஸ் முகாம்

கல்லூரி நாட்களில் படித்த நான்கு வருடமும் தவறாமல் என்.எஸ்.எஸ் Campக்கு செல்லுவது வழக்கம். அந்த நான்கு வருடமுமே NSS Best Volunteer award வாங்கியது எனக்கு மகிழ்ச்சியே. அங்குதான் சமுதாய சிந்தனை மேலோங்கியது என்றால் மிகையாகாது. அங்கு தான் அடித்தட்டு மக்களின் நிலை அறியப்பேற்றேன். அங்கு 15நாட்கள் மாணவர்கள் தங்கி குளம், கோயில், சாலையோர சமுதாயக் கூடத்தில் உள்ள முட்புதர்களை அகற்றி, அது போக இரவு நேரத்தில், கலை நிகழ்ச்சிகள் முலம் நம்முடைய பன்முகத் திறமையை வெளிப்படி த்தியது மற்றும் கிராம மக்களை மகிழ்வித்தது என்று இன்றும் கூட நம் கண்களை விட்டு அகலவில்லை. கல்லூரியில் Senior உடன் நன்கு பழகும் வாய்ப்பு. இதன் மூலம் நகரவாசிகள் கிராம சூழ்நிலைகள் எவ்வாறு உள்ளது , அதில் அவர்கள் படும் தூயரத்தை நம்மால் எளிதில் உணர முடிந்தது.

football

 

என்னுடைய பள்ளிக் காலம் தொடங்கி ஒரு வாரத்திற்கு முன்பு வரை football விளையாடியதும் இல்லை & பார்த்ததும் இல்லை. இத்தகைய அற்புதமான விளையாட்டை தெரிந்து கொள்ள வாய்ப்புக் கொடுத்த கம்பெனிக்கு மிக்க நன்றி. எங்கள் கம்பெனியில் football டொர்னமென்ட் போன வாரம் நடத்தினார்கள். அதில் எங்கள் அணி பைனலில் runner. எங்கள் அணியின் ஒவ்வொருவரின் உழைப்பும் & பங்கும் அளப்பரியது. எங்கள் அணியின் வெறித்தனமான அடி, பார்வர்டு, டிபன்ஸ், லாஸ்ட்மேன் என்று எல்லாத்தையும் ஒரு கை பார்த்த டின்டு (Tintu) & கேப்டன் யோகேஷ் சூப்பர். வருகிற மார்ச் 18ம் தேதி தன்னுடைய கல்யாணத்தை வைத்துக் கொண்டு களத்தில் இறங்கி டிபன்ஸ் & பார்வர்டில் கலக்கிய அஜீன். கோவில்பட்டி மண்ணுக்குச் சொந்தக்காரர் ஆன கோலி பிரவீன் அற்புதம் அவரைத் தாண்டி கோல் செல்லுவது என்பது அரிது. இவர்களுடன் ஜான், சந்தோஷ்,சிவ சந்தோஷ் மிரட்டல் அற்புதம். பைனலில் வெற்றி பெற்ற கேப்டன் ராஜசேகர் & Co விற்கு எங்கள் அணியின் சார்பாகவும், என்னுடைய சார்பாகவும் மனமார்ந்த வாழ்த்துக்கள்.Microchip Football Tournament Finals, 2018.

Aquatic complex

 என்னுடைய இளமைப் பருவம் முழுவதும் செங்குளம் எனும் கிராமத்தில் தான் நகர்ந்தது. அந்த கிராமத்தில் தான் நான் நிச்சல் கற்றுக் கொண்டது. எனது தந்தை கிராமத்தில் பிறந்து வளர்ந்திருந்தாலும் அவருக்கு நீச்சல் தெரியாது. எனது அம்மாவுக்கு ஒரளவு தெரியும். முதல் முறையாக செங்குளத்தில் உள்ள சங்கர் கிணற்றில் எனக்கும், அண்ணனுக்கு, தங்கைக்கு கற்றுத் தர எனது அன்னைஅழைத்துச் சென்றார்கள். உடன் அம்மாவின் அக்கம் பக்கத்து வீட்டு தோழிகளும் வந்திருந்தனர்.புது சோப்பை தண்ணிரில் நனைப்பதற்காக கிணற்றில் குனிந்த போது நான் தவறி உள்ளே விழுந்து விட்டேன். எனது அம்மாவுக்கும்,சுற்றி இருந்த தோழிகளும் அந்த அளவுக்கு நீச்சல் தெரியாது, வேறு ஆட்களும் அங்கு இல்லாததால் எனது அன்னை தனி ஆளாகப் போராடி என்னை உயிருடன் மீட்டெடுத்தார். உண்மையிலே என் தாய் தைரியமானவர் தான். ஒவ்வொருவருக்கும் ஜனனம் என்பது தாயின் மூலம் ஒரு முறைதான் நிகழும். ஆனால் எனக்கு மட்டும் இருமுறை நிகழ்ந்தது என்றால் மிகையாகாது. அன்று முதல் சுமார் இரண்டு வருடம் நீச்சல் கற்றுக் கொள்ளப் பயந்து நடுங்கிய எனக்கு ஒரே நாளில் எனது சித்தப்பா கிருஷ்ணன் அவர்களால் கற்று இன்று இருபதுக்கும் மேல் லெப் நீச்சல் அடிக்கக் கூடிய நிலைக்கு உயர்ந்ததை எண்ணிப் பெருமை அடைகின்றேன். எதைக் கண்டு பயந்து நடுங்கினேனோ அதில் சிறந்து விளங்க உதவிய சித்தப்பா கிருஷ்ணன் அவர்களுக்கு மிக்க நன்றி. நீண்ட நெடிய கிராமத்து வாழ்க்கைக்குப் பிறகு 2007ல் சென்னையில் உள்ள நந்தனம் YMCA நீச்சல் குளத்தில் தான் மறுபடியும் நீச்சல் அடிக்க ஆரம்பித்தேன். அங்கு செல்வம் சார் மூலம் முங்கு நீச்சல் ( தண்ணீருக்கு அடியில்) 30 மீட்டருக்கும் மேலாக செல்லக் கற்றுக் கொண்டேன். நான் வீடு மாறி சைதாப்பேட்டையில் இருந்து பெருங்குடிக்கு வந்த பிறகு வேளச்சேரி Aquatic complex ல் உள்ள நீச்சல்குளம் தான் என்னை நீச்சலில் இன்னும் பன்மடங்கு உயர்த்த உதவியது. கடந்த பத்து வருடத்திற்கும் மேலாக நீச்சல் குளத்தில் சென்று தினமும் குளிப்பதை வாடிக்கையாக வைத்துள்ளேன்.நான் பார்த்ததில் சிறுவர்கள் முதல் பெரியவர்கள் வரை நீச்சல் கற்றுக் கொள்ள விரும்புவர்களுக்கு வேளச்சேரி Aquatic complex தான் சிறந்தத் தேர்வு .நல்ல பயிற்சியாளர்கள், மிகவும் சுத்தமான நீச்சல் குளம். இந்திய மற்றும் தமிழக அளவில் நிறைய நீச்சல் போட்டி அங்கு தான் நடக்கும். நானே மூன்று முறை பங்கு பெற்று ஒன்றில் நூலிலையில் மூன்றாவது இடத்தை தவற விட்டுட்டுக்கிறேன். நீங்களும், உங்கள் குழந்தைகளும் நீச்சல் கற்றுக் கொள்ள விரும்பினால் தாராளமாக இங்கு சேர்க்கலாம். தொடர்ந்து அங்கு சென்று நீச்சல் அடிக்கும் பட்சத்தில் நீங்களும், உங்கள் பிள்ளைகளும் தலை சிறந்த நீச்சல் வீரராக உருவெடுப்பார்கள் என்பதில் மாற்றுக்கருத்து இருக்காது. https://goo.gl/maps/DYjZx4KscKL2

அக்கா தம்பி பாசம்

குறும்பு 2

குறும்பு 1

நண்பர்கள்

 எத்தனை நண்பர்கள் இருந்தும் நெருங்கிய நண்பனின் தோள்களின்மீது கைகளை போட்டுகொண்டு கதைகள்பல பேசிச்சென்ற அந்த அழகான பள்ளிநாட்கள் மறக்கமுடியாதவை!!!!!

கோலம்

 கோலம் போடுவதற்க்கென்றே புதியதாக நோட்டு வாங்கி அதில் புதிய புதிய ரங்கோலிகளை வரைந்து அடுத்தநாள் அதை தன் வீட்டு வாசலில் வரைந்து அழகு பார்த்த அந்த அக்காக்களும் தங்கைகளும் போன்று இன்று ஏனோ காண முடியவில்லை!!!!!

தலையைச் சுத்தி காதைத் தொட்டு பள்ளியில் சேர்ந்தோம்

 இப்படி தான் நாம தலையைச் சுத்தி காதைத் தொட்டு பள்ளியில் சேர்ந்தோம். அதனால் தான் என்னவோ நம்முடைய எல்லாப் பிரச்சனைகளையும் சும்மா இப்படி சுத்தி வளைச்சு தான் விடை தேடுறோம் போலயே.

புளியம் பழம்

 புளியம் பழம் ருசித்து அனுபவித்தவர்களுக்கே இதன் அருமை தெரியும். ஆயிரம் நெஸ்லே கம்பெனிகளோ அல்லது காட்பரிஸ் கம்பெனிகளோ இயற்கையை வெல்ல முடியாது என்பதற்கு இது சிறந்த உதாரணம். போட்டோவை பாக்கும் போதே எச்சில் ஊறுதுல?

முட்டி போட வைத்தபோது

 அன்று நாம் பள்ளிக்கு தாமதமாக வந்த போது, வீட்டுப் பாடம் செய்யாத போது, வகுப்பில் அடங்காத போது, தண்டனை என்ற பேரில் வாரண்டாவிலும், சில சமயம் கடும் வெய்யிலில் மண் தரையிலும் முட்டி போட வைத்த போது நம்முடைய முட்டியைத் தடவித் தடவிப் பார்த்தோமே நினைவிருக்கா நண்பர்களே? இன்றும் இத்தகைய தண்டனை வழக்கப்படுகின்றதா என்பது சந்தேகம் தான்?

வேப்பம் குச்சி

 இன்று நாம் பற்கள் ஆரோக்கியமாக இருக்க வேண்டும் என்பதற்காக இரண்டு முறை பற்களை தேய்ப்போம்.என் சிறுவதில் தாத்தா, பாட்டி ஊருக்குப் போனால் வேப்பம் குச்சி, கருவேலம் குச்சி, சாம்பல், கோபால் பற்பொடி இவை தான் அவர்களின் பிரதான பல் விளக்குவதற்க்கு உபயோகப்படுத்துவார்கள். நானும் அவ்வாரு ஊருக்குச் சென்ற போதெல்லாம் பயன்படுத்தி இருக்கேன்.சில நேரத்தில் வேப்பம் கொழுந்து இலையே என் தாத்தா, பாட்டி சாப்பிடுவதைப் பார்த்து சாப்பிட்ட தருணமும் உண்டும். அவர்களின் பல் இன்றும் எழுபது வயது ஆகியும் ஆட்டு எலும்பை அசல்டா கடித்து சாப்புடுறாங்க .நாம அப்படியா இரண்டு முறை பல் விளக்கியும் என்ன பயன்? ஏகப்பட்ட பல் சம்பந்தமான பிரச்சனையை நாளும் நாம் பார்க்கிறோம். இதற்கு தீர்வு தான் என்ன? . பழையபடி நம் முன்னோர்கள் பல் விளக்க பயன்படுத்திய முறைக்குத் தான் நாமும் மாறனும் போலயே. அத விட்டுட்டு இன்னைக்கு வரக்கூடிய பெஸ்ட்ல உப்பு இருக்கு, இனிப்பு இருக்கு, சாம்பல் இருக்கு, புதினா, கொத்தமல்லி இருக்குனு நம்மல நல்லா ஏமாத்திட்டு இருக்கானுங்க. ஆனா அயல் நாட்டுக்காரனுக்கு இங்கு இயற்கையா கிடைக்கின்ற வேப்பம் குச்சியை பாக்கெட் போட்டு நாம் வித்துட்டு இருக்கோம். நல்லவற்றை நாம் ஏற்றுமதி செய்து விட்டு கண்ட கண்ட பெஸ்ட்டை நாம் வாங்கி விளக்கிக்கிட்டு இருக்கோம் என்பது தான் உண்மை. நல்லவற்றை உபயோகிக்க முயற்சி எடுப்போமா?

கிராமத்தில்

 மகிழ்சியாக கிராமத்தில் வாழ்வதற்கு எத்தனயோ வசதிகள் நமக்கு இருந்தும் நாம் பயின்ற கல்வி நம்மையெல்லாம் கிராமத்தை விட்டு பட்டணத்திற்கு அனுப்பி நாலு காசு பணம் சம்பாரித்து ஆடம்பரமாய் வாழ ஆசைப்பட்டதால் தான் இன்று நாம் கிராமத்தில் கற்ற நல்ல விஷயம், இயற்கை எழில், என அனைத்தையும் இழந்து நிற்கின்றோம் பட்டிணத்தில்..

இளமைப் பருவம்

 எப்படி எல்லாம் வாழ்கையில் வாழ வேண்டும் என்று எங்களைப் பெற்றவர்களும் சொல்லித் தரவில்லை, எங்களைப் பார்த்துக் கிட்டவர்களும் எங்களுக்குச் சொல்லித் தரவில்லை. மகிழ்ச்சியாக வாழ்ந்தோம் எங்களிடம் இருந்ததைக் கொண்டும், கிடைத்ததைக் கொண்டும் எங்களுக்கு பிடித்த மாதிரி, எங்களுக்குத் தெரிந்த மாதிரி மகிழ்சியாக விளையாடிய இளமைப் பருவம் ஒரு வரப்பிரசாதம் தான்.

மரங்கள்

இன்னும் எங்கள் தாத்தா, பாட்டி ஊரில் இந்த மாதிரியான மரங்கள் இருக்கிறது. ஆனால் என்ன விளையாடத் தான் யாரும் இல்லை. நம் காலத்தில் விடுமுறை விட்டாலே நம்ம பாட்டியும், தாத்தாவும் சாப்பாட்டு நேரத்திற்கு விளையாட்டு மைதானத்திற்கும், கிணற்றிற்கும். குளத்திற்கும் என்று தேடி அலை வாங்க. இப்ப இருக்கிற பசங்கள Charger Point பக்கத்துல ஈசியா கண்டுபிடிக்கலாம். போதாக் குறைக்கு Play station, android game என்று அவர்கள் தனி உலகத்தில் வாழ்ராங்க. பெற்றோர்களாகிய நாம் இத்தகை விஷயத்தை தடுத்து நம் காலத்து விளையாட்டை கற்றுத் தந்து அவர்களை மகிழ்விக்கச் செய்வது நம் கடமை. அந்தக் கடமையை ஒவ்வொரு பெற்றோரும் நிறைவேற்ற வாழ்த்துகின்றேன். நன்றி தோழர்களே.

பென்னிங்டன் பொது நூலகம்

 இது திருவில்லிபுத்தூரில் உள்ள பென்னிங்டன் பொது நூலகம். இது 1875 ஆம் ஆண்டு ராமநாதபுரம் மாவட்டதின் ஆட்சியராக இருந்த பென்னிக் டானால் துவக்கப்பட்டது. அன்றைய காலத்தில் இந்த நூலகம் எனது நண்பர் ஜாகிர் மூலம் தெரிய வந்தது. பத்தாம் வகுப்பு பரீட்சை விடுமுறையிலிருந்து நண்பர்களுடன் இங்கு சென்று பொது அறிவையும், உலக அறிவையும் வளர்ந்திடச் செய்த இந்த நூலகத்தை மறக்க முடியுமா என்ன? என்னைப் போல் எத்தனையா வசிப்பாளரை உறுவாக்கியது என்றால் மிகையாகாது. இந்த நூலகம் பல நூற்றாண்டு பொழிவுடன் இருந்து இன்னும் ஏராளமான அறிவு ஜீவிகளை உருவாக்கும் என்பதில் எந்த மாற்றுக்கருத்தும் இருக்காது!

வெயில் காலம்

 வெயில் காலம் வந்துவிட்டது. அடிக்கிற வெயிலுக்கு வெளிநாட்டு குளிர் பானங்களை குடிப்பதை தவிர்த்து நுங்கு, பதனி, கரும்பு சூஸ், மோர், பானக்கரம், குடிநீர், தர்பூசணி, கீர்னிப் பழ சூஸ்,கூழ் மற்றும் இளனி சாப்பிட்டால் உடல் உஷ்னத்தை தனித்து கண்ணுக்கு நல்ல குளிர்ச்சியாக இருக்கும். சுவையும் அருமையாக இருக்கும். இந்த வெயிலிக்கு நாம இதை சாப்பிட முயற்சி பண்ணலாம தோழர்களே. நன்றி.

நெருஞ்சி முள்

 சமிபத்தில் என்னுடைய அலுவலக நண்பருக்காக இந்த நெருஞ்சி முள்ளை வாங்கச் சென்றேன். அதனுடைய ஒரு கிலோ விலை 400 ரூபாய். இதனுடைய மருத்துவ குணம் அற்புதம்.சிறுநீரக கோளாருக்கு இது ரொம்ப நல்லது என்று நண்பர் வாயிலாக அறியப் பெற்றேன். இது நம்ம ஊரில் மானவாரியாக ஆங்காங்கே முளைத்துக் கிடக்கும். அப்பப்ப நம்ம சைக்கிளையும் பஞ்சர் ஆக்கிவிடும். வேலையே இல்லை என்று புலம்பும் நம்ம கிராமவாசிகளுக்கு இது ஒரு நல்ல வருமானத்தை தரும் என்கின்ற நோக்கத்தில் இதை பதிவிடுகிறேன். இதற்கான முதலீடு எதுவும் இல்லை. உழைப்பு ஒன்றே போதும்.

பிரானுர் ரஹ்மத் பார்டர் பரோட்டா கடை

 தென்மலை மற்றும் பாலருவியில் நன்கு சுற்றி குளித்துவிட்டு சுவையா சாப்பிட ஒரு கடையை தேடுவோம்? அப்படினா நாம மறக்காம செல்ல வேண்டிய கடை பிரானுர் ரஹ்மத் பார்டர் பரோட்டா கடை .அந்தக் கடை சுற்று வட்டாரத்தில் மட்டுமல்ல அனைத்து தமிழ் அன்பர்களுக்கும் தெரிந்த ஒரு அடையாளம். இந்தப் புரோட்டா கடை அத்தனை ருசி, சுவை, இங்கு புகழ் பெற்றது புரோட்டா மட்டுமல்ல வீச்சு பரோட்டா ,முட்டை பரோட்டா , கொத்து பரோட்டா என பல வகைகள் உண்டு, இரவு எங்களுடைய உணவு இங்கு தான். நல்ல சிறப்பான உணவாக அமைந்தது. இப்பொழுது கூட அந்த சுவையை நினைத்தால் இன்னோரு முறை நம்மளை சாப்பிட சுண்டி இழுக்கும்.பார்டர் பரோட்டா கடை என்று பல பெயரில் கடைகள் இருந்தாலும் ரஹ்மத் கடை தான் தனித்துவம் மிக்கது. இங்கு நாட்டுக் கோழி மட்டும் தான் கிடைக்கும். பிராய்லர் கோழி கிடையாது. அந்த வகையிலும் எனது முழு ஆதரவும் இந்தக் கடைக்குத் தான். இந்தப் பக்கமா போக நேர்ந்தால் சும்மா ஒரு விளாசு விளாசுங்க.

உழவர் சந்தை

 உழவர் சந்தை அன்றைய கலைஞர் அரசால் கொண்டு வரப்பட்டது.தொடங்கப் பட்ட தருணத்தில் திருவில்லிபுத்தூர் சுற்றியுள்ள எண்ணற்ற விவசாயிகள் இங்கு வந்து விற்றது ஞாபகம். அன்றயை சூழலில் மற்ற காய்கறிக்கடைகளுக்கெல்லாம் சவால் கொடுத்தது. விலைக் கம்மி. இதில் விவசாயிகளின் லாபம் அதிகம். இடையில் அரசு மாற்றத்தால் அதனுடைய பலன் முற்றிலும் முடிங்கிப் போனது வறுத்தமே. இன்று இந்த சந்தையின் நிலை படு மோசமே.இதை அரசு முன்னேடுத்துச் சென்று விவாசாயிகளுக்கு உரிய லாபம் கிடைத்திட வழிவகை செய்தால் நன்று.

கயிற்று கட்டில்

 கயித்து கட்டிலில் வேப்பமரத்தடியில்.... திண்ணுட்டு வந்து படுத்தா... ஸ்ஸப்பா..... சாமி என்ன ஒரு நிம்மதி..குளிர் சாதன வசதிகளோ, ரசாயனங்களோ, செயற்கையான சொகுசுகளோ இல்லாமல், இயற்கையின் மடியில் தூங்குவது எவ்வளவு பெரிய வரம்....சிலருக்குத்தான் இது புரியும். அதில் நானும் ஒருவன்.

குருவி பிஸ்கட்

 நீ மங்கியை சாப்பிடு, நான் யானை சாப்பிட்டுறேன் !! இப்படி சொல்லிக்கிட்டு குருவி ரொட்டிகளை காலி பண்ணியதெல்லாம் ஒரு காலம்...

 

 

ஒகேனக்கல் அருவி

 இயந்திரம் போன்ற வாழ்க்கையில் இருந்து சிறிது தப்பித்து வேறு ஒரு மாற்றத்தைப் பார்க்க மாட்டோமா? என்று எண்ணி ஏக்கத்தில் இருந்த தருணத்தில், அலுவலக நண்பர்களுடன் இன்று ஒகேனக்கல் செல்ல ஒரு அருமையான வாய்ப்பு அமைந்தது, இதோ இன்று ஒகேனக்கல் நோக்கிப் பயணம் ஆரம்பிச்சாச்சு. ஒகேனக்கல் பயணம் எனக்கு இதுதான் முதல் முறை.

ஒகேகை்கல் நீர் அருவி சுமார் ஒரு 20 மீட்டர் உயர்த்தில் இருந்து விழும் நீரின் சத்தம் கொஞ்சம் மனதிற்குப் பயமாக இருந்தாலும், அதைப் பார்க்கும் போது வெள்ளியை உருக்கி வார்த்தது போல் இருக்கும். இதன் அழகைப் பார்க்கும் போது குளிக்கும் எண்ணம் தானாக வரும். இந்த அருவியில் மதியம், இரவு, காலை என்று மூன்று வேளையும் குளித்து குதூகலத்தில் திகைத்தோம். பரிசல் அனுபவம் எங்களுக்கு புதுமையான அனுபவமாக இருந்தது. மற்ற எல்லா இடத்திலும் நாம் போட்டில் சென்றிருப்போம். ஆனால் இந்தப் பரிசல் மூலம் நாம் செல்லும் போது அருவிகளின் அருகே சென்று காண்பிப்பார்கள். அது நமக்கு திகிலோடு கலந்த மகிழ்சியைத் தரும். இந்தத் திகிலோடு சுற்றி முற்றிப் பார்த்தால் கார்பனோட் பாறைகள் தான் தெரியும். இயற்கையை ரசிப்பது, பரிசல் சவாரி, அருவியில் குளியல், இயற்கையான முறையில் மீன் குழம்பு, வறுவல், எண்ணெய் மசாஜ் என்று கண்களுக்கும், நா ருசிக்கும், நம் மனதிற்கும் மகிழ்ச்சி அளிக்கிறது இந்த ஒகேனக்கல் . வாய்ப்பு இருப்பின் நண்பர்களே தாராளமாக சென்று மகிழ்ச்சியில் திகைத்து வரலாம். ஜூன் முதல் ஆகஸ்ட் வரை சீசன் காலம் என்பது கூடுதல் தகவல். தங்குவதற்கு நீர் விழ்ச்சிக்கு மிக அருகிலே ஓட்டல் தமிழ்நாடு உள்ளது. குடும்பத்துடன் தங்குவதற்கு ஏற்ற அறை மற்றும் உணவு அருமையாக உள்ளது. அருவியில் பெண்கள் குளிப்பதற்கு உடை மாற்றுவதற்க்கு என்று தனி இடம் உள்ளது குடும்பத்துடன் செல்பவர்களுக்கு பயம் தேவையில்லை.   

 
ஒகேனக்கல் மதியம் 1.30 க்கு வந்து சேர்ந்தோம். ஓட்டல் தமிழ்நாடு விடுதியில் தங்கி சிறிது நேரம் இளைப்பாறி விட்டு ஒகேனக்கல் அருவியை நோக்கிப் பயணித்தோம். போகும் வழியில் இங்கு இயற்கையை ரசித்துக் கொண்டு உணவு அருந்தும் உணவுக் கூடம் நிறைய உள்ளது. அங்கு நமக்குத் தேவையான மீன் வகைகளைத் தேர்வு செய்து கொடுத்து சமைக்கச் சொல்லிவிட்டு நீர் விழ்ச்சியை நோக்கிப் பயணித்தோம். தமிழகத்தில் நான் பார்த்த நல்ல நீர் விழ்ச்சிகளில் இதுவும் ஒன்று. அதில் குளிப்பவர்களுக்கு எண்ணெய் மசாஜ் செய்பவர்கள் நிறையப் பேர் இருக்குகிறார்கள். அதில் நானும் எனது அலுவலக நண்பர்களும் முதல் முறையாக எண்ணெய் மசாஜ் செய்து அருவியில் குளித்த தருணம் அற்புதம். அதைச் சொல்லுவதற்கு வார்த்தைகள் இல்லை. எவ்வளவு பெரிய மன அழுத்தமோ, வேலைப் பளுவோ இருந்தாலும் அனைத்தும் இந்த நீர்வீழ்ச்சியில் குளித்தவுடன் பஞ்சாய்ப் பறந்து போய்விட்டது என்றால் மிகையாகாது. அதன் பிறகு இயற்கையான முறையில் சமைத்த மீன் குழம்பும், வறுவலும் ரெடியாக இருக்க ஒவ்வொருவரும் சாப்பாட்டை ஒரு கை பார்த்து விட்டோம். வாழ்வில் மறக்க முடியா சாப்பாடு. அற்புதமான சுவை. இன்றைய தினம் சிறப்பாய் முடிந்தது.