இந்த வீட்டைப் பற்றி நிறைய எழுதலாம். நாங்கள் படித்து முடித்து விட்டு 2004ல் வேலை தேடி சென்னை வந்த போது என்னுடன் கல்லூரி மற்றும் பள்ளியில் பயின்ற நண்பர்கள் இங்கே தங்கி இருந்தார்கள். நான் அப்பப்ப இந்த வீட்டுக்குச் சென்று வருவேன். இந்த வீட்டின் சிறப்பே என்னேறமும் சோறு இருக்கும் (தண்ணிச் சோறாவது இருக்கும்). சாப்பிடாமல் அனுப்ப மாட்டார்கள். இந்த வீட்டின் இன்னோரு சிறப்பு வேலையில் இருக்கக் கூடியவர்கள் வேலைஇல்லாதவர்களுக்கு உணவு மற்றும் தங்குவதற்கான செலவை ஏற்ப்பது. இப்பேற்பட்ட சிறப்புமிக்க வீடு கடந்த 14 வருங்களாக தொய்வின்றி அடுத்தடுத்து கல்லூரி முடித்து வந்த நண்பர்களுக்கு இந்த சேவையை வழங்கிய இந்த வீடு இன்று வீட்டு ஓனர் விட்டை காலி பண்ணச் சொல்லக் கூடிய நிலையில் உள்ளது ( வீட்டின் சில பாகம் இடியும் நிலையில் இருப்பதால்). இது உண்மையில் எல்லோருக்கும் மிகப் பெரிய வருத்தமே. இதற்கான அடித்தளத்தை இட்ட அண்ணன் ஜோதி, சந்தானம், அரவிந்த், வேல் முருகன், பாலு, M. K. செல்வராஜ் & ஜாகீர் அவர்களின் தியாகம் அளப்பரியது.
கருத்துகள் இல்லை:
கருத்துரையிடுக