நடிகர் திலகம் சிவாஜி கணேசனின் திவிர ரசிகர் எனது தந்தை .எனது சிறு வயதில் அதிகமான சிவாஜி கணேசனின் படங்களைப் பார்த்து வளர்ந்தவன். வீர பாண்டிய கட்டபொம்மன், கர்ணன், கந்தன் கருணை, கப்பலோட்டிய தமிழன், திருவிளையாடல், திருஞானசம்பந்தர் என்று அவர் ஏற்று நடித்த கதாப்பாத்திரமாகவே வாழ்ந்திருப்பார்.திரையில் பார்த்த நமக்கோ அந்தக் காலத்திற்குக் சென்ற ஒரு உணர்வு இருக்கும். குடும்பப் பாசத்தை மையமாக வைத்து அவர் ஏற்று நடித்த அத்துணை கதைகளும் அற்புதம். அதைப் பார்க்கும் நமக்கு கண்களில் கண்ணீரை வரவழைத்து விடுவார்.அவருக்கு நிகர் அவரே. அத்தகைய நடிப்பு திலக்தின் மணிமண்டபத்தை காண இன்று ஒரு வாய்ப்புக் கிட்டியது. இவ்வளவு பெரிய நடிப்புக்குச் சொந்தக்காரரான இவருக்கு ஒரு முறை கூட National award கொடுக்கப் படவில்லை என்பது வெட்கித் தலை குனியவேண்டும் நமது இந்தியஅரசு என்ற முனு முனுப் போடு மணி மண்டபத்தை விட்டு வெளியே வந்தேன்.
கருத்துகள் இல்லை:
கருத்துரையிடுக